專題文章 » Sgt. Peppers - The Beatles; Turn! Turn! Turn! - The Byrds; Rubber Soul - The Beatles

Sgt. Peppers - The Beatles; Turn! Turn! Turn! - The Byrds; Rubber Soul - The Beatles

陳少寶
陳少寶
新城電台DJ及音樂總監,資深樂評人,美食專家
發表於 2013年06月10日 11:49
文章內容為筆者觀點,不一定代表音樂一週立場
Sgt. Peppers - The Beatles; Turn! Turn! Turn! - The Byrds; Rubber Soul - The Beatles

各位有興趣聽我播歌,請大家download新城娛樂app,新城數碼音樂台from Monday to Sunday 1:00pm-2:00pm 每八小時重播。
Monday is Rock, Friday is Oldies,Saturday一首歌一個故事,Sunday is Jazz。
Check it out!!!



It was 46 years ago, Sgt. Pepper taught the band to play

由於小時候住尖沙咀,故此樂宮戲院(即今日美麗華酒店)係我嘅favourite hang out,佢有不同電影播放,星期日早場係That’s All Folks嘅迪士尼卡通,當時屬Warner Brothers,anyway,好多好多勁正回憶!!! 第一次見到Sgt. Pepper’s Lonely Hearts Club Band係樂宮旁邊嘅一間影音、唱碟店。由於隻碟係gatefold,故此佢地打開放喺櫥窗,隻碟嘅顏色論當年係極度鮮艷,eye catching到不得了,仲有披頭四???起碼John不再披頭,圓形眼鏡...... 最特別Beatles嘅青靚白淨look,四位都長了鬍子,甚不習慣,又充滿好奇。

如此這般向朋友借番嚟聽,相信唱碟公司知道Beatles無論在image同音樂上都起重大改變,所以隨碟附送剪貼教你打扮成Sgt. Pepper,不過十個十個都唔捨得剪爛佢。入住隻唱碟個紙袋,係印上粉紅色漸進好靚,而side one side two尾都錄咗一句請再播放,對年輕嘅我而言,喜歡個封套同D得意嘢多過D音樂,說老實話都今日我依然唔會選Sgt. Pepper為我最喜愛的Beatles唱碟 (sorry folks!!)。

原因:
1. Sgt. Pepper冇乜band sound,對我而言,冇band sound嘅Beatles唔係John,Paul,George and Ringo,係George Martin featuring The Beatles。
2. 個Concept到今日都覺得牽強。
3. John Lennon開始沉溺喺葯物之中,亦開始咗我不再跟隨佢作品的日子(當然偶有佳作,而且一係唔中,一中就係經典Across The Universe,Imagine.....)。

不過Beatles始終係trend setter,Sgt. Pepper對日後迷幻音樂起好大作用,而concept album俾好多有創意嘅樂隊,寫下咗佢地嘅經典之作,Rolling Stones嘅Their Satanic Majesties Request、Moody Blues嘅Days Of Future Passed、仲有Pink Floyd嘅Dark Side Of The Moon。

Suggested songs:
With A Little Help from My Friends、Fixing A Hole、When I’m 64、A Day In The Life



To Everything There Is A Season, Turn Turn Turn

To Everything There Is A Season, Turn Turn Turn,
A Time For Every Purpose, Under Heaven!

與Beatles嘅Rubber Soul同期我不斷重覆又重覆聽嘅係Byrds嘅Turn Turn Turn大碟,又係The Time They’re A Changin’ 嘅原因, 再加上電視英文台有黑白播放嘅音樂節目,Bryds經常有份演出,Roger McGuinn嘅老花眼鏡配太陽鏡片,型到盡!係好朋友手上借咗Turn Turn Turn返屋企聽,純聽流行曲心態,不過首Turn Turn Turn的確聽到碟花針斷。

無想到當日聽嘅pop原來係日後至愛嘅Folk Rock,亦開始對十二線Rickenbecker發出嘅聲音着迷。

當日嘅Turn Turn Turn在作曲一欄衹簡單寫上Traditional一個字,其後太多不同version嘅Turn Turn Turn,開始見到Pete Seeger這個名字。之後先知到原來取材於聖經傳道書為所羅門而言嘅金句。我期後對To Everything There Is A Season這個附歌名,更加有感受,至今日亦然。

Turn Turn Turn嘅歌詞尤其美麗:”A time to every purpose, under Heaven”,”A time to cast away stones, a time to gather stones together””A time you may embrace, a time to refrain from embracing”...... 最後一句是”A time for peace, I swear it’s not too late”,係詩歌而不是歌詞。

Bryds嘅band sound folk music成為主流嘅Folk Rock,亦孕育出無數經典隊伍同作品,Buffalo Springfields、Poco、Crosby(Byrds成員),Stills, Nash and Young、Joni Mitchell、及後嘅Linda Ronstadt、James Taylor、Loggins and Messina、Souther、Hillman Fury Band、Jackson Browne...........Dan Fogelberg亦喺大碟Innocent Age提到Folk Rock對佢嘅影响!!! 而Dr. Music的無知歲月,卻吸收咗無盡嘅音樂知識,仿似圓球一樣不停地Turn Turn Turn,滾動向前。

Suggested songs:
Turn Turn Turn、It Won’t Be Wrong、The Time They Are a-Changin’、Lay Down Your Weary Tune



Some have gone, some still remain, In My Life, I love them all

情人節最佳介紹梗係有Love Minus Zero/No Limit嘅”Bring It All Back Home” 大碟,咁Dylan之後最佳選擇自然係到Beatles嘅Rubber Soul,披頭四其中一張Dr. Music至愛之作。

理由:
1. Beatles由Yeah Yeah Yeah變成He’s a real Nowhere Man,sitting on his nowhere land...... 歌詞明顯有哲理、深度。
2. 係Beatles開始滲透Folk Rock在作品當中,George Harrison有部份彈奏棄心愛嘅Gretch結他,採用Rickenbecker 12線 (If I Needed Someone! ),仿效Byrds嘅Roger McQuinn。
3. 最後佢地係在美國見完Dylan之後嘅創作,而Rubber Soul係遲過Bring It All Back Home出,故此Lennon and McCartney都覺得自已的創作更有靈魂,也是唱碟名Rubber Soul的由來。


相信係英國人冇當其時美國嘅越戰、馬丁路得金,故此歌詞冇乜社會性嘅東西,不過Lennon對人生多了思考,明顯反映McCartney繼續浪漫有Michelle,I’m Looking Through You,而Lennon就係Girl,最早期齋talk唔攪嘢嘅Norwegian Wood,仲有神來之筆嘅人生回顧,當時25歲嘅佢竟然可以寫一首In My Life,簡直係天才。