專題文章 » 一切由Super Session講起......

一切由Super Session講起......

陳少寶
陳少寶
新城電台DJ及音樂總監,資深樂評人,美食專家
發表於 2013年05月12日 23:05
文章內容為筆者觀點,不一定代表音樂一週立場
一切由Super Session講起......



Super Session

 

Music Week對我音樂成長路重要的第一站, 高興可以再次在MW寫音樂, 介紹我成長路上每一張唱碟, 就由Super Session講起...........

大概係讀中四嘅日子, 我哥哥買咗一張唱碟, 當音樂響起我俾出現嘅結他聲吸引到, 第一次在我生命中聽到咁樣嘅電結他演奏, 彈結他嘅叫Mike Bloomfield而唱碟主角係彈organ嘅Al Kooper。黑膠年代, 唱碟分side A side B, 而B面係另一位結他手叫Stephen Stills, 而演奏嘅音樂同A面完全唔同。及後我知道Mike Bloomfield彈嘅係blues rock, 而Stephen Stills係country rock, side B我最喜歡嘅歌係It Takes A Lot To Laugh And It takes A Train To Cry, 作曲人係Bob Dylan, 之後我成為Bob Dylan迷, Stephen Stills其後嘅樂隊CrosbyStills and Nash打開咗我聽country folk rock嘅大門亦成為blues rock結他手嘅no.1 fan, 感謝上帝, Eric ClaptonCream, Jimi Hendrix Experience, Jeff Beck Group........Led Zeppelin全都出現, 無想到即興形式彈奏嘅Super Session, 開啓咗我一生嘅追求-----音樂, 亦即係Rock & Roll!

p.s. 揾Super Session聽吓, you’ll experience something that never happened in your life,
       it’s the key to open up your music.


 

Kooper Session

 
介紹咗Al Kooper原本玩票性質一次過嘅Super Session, 肯定要講吓Al欲罷不能嘅續集Kooper Session。當年讀中四嘅我, 第一次聽Super Session被電結他吸引住, 仿似觸電一樣, 而Kooper Session就成功介紹Gospel Music俾我認識, 加深我對黑人音樂嘅追求。Kooper Session由於係Gospel Blues, 所以係同Johnny Otis Family嘅合作, 當然唔少得結他手嘅出現, 唱碟中就有當年衹得16歲嘅Shuggie Otis彈奏, B面算係spotlight Shuggie嘅結他, A面嘅第一首Bury My Body百分百道出Gospel嘅主題, 好似教堂頌詩般嘅和唱而歌詞好清楚講到 “Bury My Body, Lord I Don’t care where......Bury My Body cos’ my Soul is gonna live with God”, ”Believe believe me, take me to your golden stairs, if my wings fail me, Lord give me another pair.....”第一次聽嚟首歌係Animals, 不過Al Kooper八分鐘長嘅版本實在太精彩, 今日聽番依然好像當天, cool爆!
 
p.s. suggested songs:Bury My Body, Lookin’ For A Home,12:15 Slow Goodbash Blues,
       Shuggie’s Shuffle.
 
 

Valentines Can't Buy Her
 


“People carry roses
And make promises by the hours
My love she laughs like the flowers
Valentines can`t buy her”
---- Love Minus Zero/No Limit by Bob Dylan

 
年青嘅時侯非常反叛, 記得當我俾PeterPaul & Mary嘅民歌吸引住, 無意中發覺原來佢地好多歌都係Bob Dylan寫, 自然走去揾Bob Dylan聽吓。第一首聽嘅係The Time They Are a’Changing, 發覺佢唱得好惡頂, 不過好似食中葯, 愈苦愈係良藥, 到今日更加覺得Bob唱得難聽, 不過no complaint!!!
 
Bring It All Back Home, 1965推出, 我並無即時去聽, 係因為Super Session大碟 (Dr. Music在此第一張介紹嘅專輯), 發現原來Al Kooper同Mike Bloomfield有同Dylan合作, 乜佢唔係木結他同口琴嘅咩?好奇心驅使, 又聽番Bob Dylan, 仲係一次過聽番晒Blonde On Blonde, Highway 61 Revisited當然仲有Bring It All Back Home, 有可能Dylan goes electric覺得band sound好好多, Rock and Roll is good!!! 多年之後, 發現原來”Bring” 大碟係Dylan第一次嘗試folk rock, 故此仲保留民歌味道, 而嚟張唱碟就係引發其後嘅Byrds, Buffalo Springfield, CrosbyStills, Nash & Young, Poco, Eagles............ 太厲害!!!

“Bring” 碟亦係當時以寫反戰歌聞名Dylan嘅首張非anti-war作品, 當其時佢同Joan Baez打得火熱, 對Dr. Music而言, 嚟張係Dylan嘅love album對女性有頗多嘅讚美描寫It’s Alright Ma (I’m Only Bleeding), It’s All Over Now Baby Blue, She Belongs To Me仲有我嘅至愛情歌Love Minus Zero/No Limit。

大碟嘅封面有當年不少嘅刋物隨意出現係客廳, 後面穿紅衣嘅女郎乃是經理人位太太, 咁Joan Baez係邊?留意Dyan嘅袖口鈕, 係Joan送俾佢嘅禮物, 亦就係著名嘅Diamonds and Rust當中提到”Ten years ago, I bought you some Cufflinks”......A Masterpiece!!!